«Barselona» vingeri Lamin Yamal kuni kecha jarohat olib, mavsum oxirigacha safdan chiqdi. Juma kuni 18 yoshli futbolchi tiklanish jarayonini boshlash uchun Kataloniya klubi bazasiga tashrif buyurdi.

Yamal bazaga etib kelayotgani aks etgan kadrlar El Chiringuito ko'rsatuvida namoyish etildi. Eslatib o'tamiz, Lamin Yamal «Selta»ga qarshi o'yinda penaltini golga aylantirganidan so'ng maydonga yiqilgan va shu zahoti zaxiraga olingan edi. Ertasi kuni «Barselona» yulduz futbolchining jarohati borasida rasmiy bayonot berdi.

Hozirda «Barselona» Ispaniya chempionatida «Real»ni to'qqiz ochkoga ortda qoldirgan holda peshqadamlik qilmoqda. Turnir yakunigacha oltita tur qoldi.