Kataloniyaning «Barselona» klubi Ispaniya chempionatida to'xtatib bo'lmas temp namoyish etmoqda. Xansi Flik shogirdlari La Liganing 32-turi doirasida «Xetafe»ni mag'lub etib, ketma-ket to'qqizinchi g'alabasini qo'lga kiritdi.

«Ko'k-anorranglilar» 22 fevraldan buyon ichki chempionatdagi barcha o'yinlarda zafar quchib kelmoqda. Ushbu ikki oylik muvaffaqiyatli seriya davomida jamoa raqiblar darvozasiga 23 ta to'p kiritib, o'z darvozasidan atigi 5 ta gol olib chiqdi.

«Barselona» 2 may kuni «Osasuna»ga qarshi maydonga tushsa, 10 may kuni Madridning «Real» klubiga qarshi markaziy bahsda ishtirok etadi.