«Barselona» vingeri Markus Reshford ijara muddati yakunlanganidan keyin ham klubda qolish niyatida. «Ko'k-anorranglilar» ingliz futbolchisini «Manchester Yunayted»dan sotib olish huquqi bilan ijaraga olishgan edi.

Insayder Fabritsio Romanoning xabar berishicha, Reshford Kataloniyada qolishni istamoqda — u kelgusi mavsumda joriy yildagidan ko'ra yaxshiroq natija ko'rsatishiga ishonchi komil. «Barselona» esa hozircha futbolchi borasida yakuniy qarorga kelgani yo'q.

Markus Reshford Xans-Diter Flik jamoasi safida 45 ta uchrashuvda maydonga tushib, 13 ta gol va shuncha golli uzatmani o'z hisobiga yozdirib qo'ydi. 28 yoshli futbolchini to'liq sotib olish La Liga grandi uchun 30 million evroga tushishi mumkin.