«Barselona» rahbariyati markaziy hujumchi qidirish bo'yicha faol ishlarni davom ettirmoqda. Avvalroq xabar berilganidek, madridning «Atletiko» klubida to'p tepayotgan argentinalik Xulian Alvares asosiy nomzod bo'lib turibdi.

Cadena SER nashrining ma'lumotlariga ko'ra, «ko'k-anorranglilar»ning short-listida hujum chizig'i uchun yana kamida ikkita nomzod mavjud. Gap «Inter»dan Lautaro Martines va «Chelsi» a'zosi Joao Pedro haqida bormoqda.

«Barselona» rahbarlarining fikricha, har ikki futbolchi ham klub uchun mos bo'lgan o'yin xususiyatlariga ega.

Kataloniya klubi ayni damda La Liga turnir jadvalida 85 ochko bilan birinchi o'rinda bormoqda.