Ispaniya La Ligasi prezidenti Xaver Tebas «Barselona»ning joriy mavsumdagi muvaffaqiyatlari haqida fikr bildirdi.

Kataloniyaliklar mavsumni 100 ochkolik ko'rsatkich bilan yakunlashlari mumkin – buning uchun chempionatda qolgan barcha beshta o'yinda, jumladan, Madridning «Real» klubiga qarshi bahsda ham g'alaba qozonish talab etiladi.

«Menga jamoalarning 100 ochko to'plashi yoqmaydi. Bu juda ko'p. To'g'ri, «Real» va «Atletiko» ko'p ochko yo'qotdi va o'z darajasidan past ishtirok etdi, lekin chempionning 90 ochkodan ko'p jamg'arishini xushlamayman», – deya Tebasning «ko'k-anorranglilar»ning ehtimoliy rekordi haqidagi savolga bergan javobidan iqtibos keltirmoqda Managing Barca.

Navbatdagi turda Xans-Diter Flik shogirdlari «Osasuna» mehmoni bo'lishadi. Uchrashuv 2 may kuni bo'lib o'tadi.