«Betis» klubi markaziy himoyachisi Natan faoliyatini «Barselona»da davom ettirishi mumkin. Jurnalist Roxer Torelloning xabar berishicha, 25 yoshli braziliyalik futbolchining xizmatlari Kataloniya grandiga taklif qilingan.

Taxminlarga ko'ra, ushbu transfer «ko'k-anorranglilar»ga taxminan 30 million evroga tushishi mumkin. Qayd etilishicha, «Barselona» uchun asosiy nishon hamon «Inter» himoyachisi Alessandro Bastoni bo'lib qolmoqda. Biroq Natanning nomzodi italiyalik yulduzga nisbatan ancha arzon muqobil variant sifatida ko'rib chiqila boshlangan.

Ma'lumot o'rnida, joriy mavsumda Natan «Betis» libosida barcha musobaqalarda 41 ta o'yinda maydonga tushib, bitta golli uzatmaga mualliflik qildi. Transfermarkt portali futbolchining bozor qiymatini 25 million evroga baholagan.