«Barselona» va «Liverpul» jamoalari mavsumoldi tayyorgarlik doirasida Keniya poytaxti Nayrobida o'rtoqlik uchrashuvi o'tkazishi mumkin. Bu haqda Sport.es nashri xabar berdi.Manbaga ko'ra, 2026 yil iyul oyida kataloniyaliklar mashg'ulot yig'ini uchun Birmingemga yo'l olishni rejalashtirmoqda. Shundan so'ng «ko'k-anorranglar» yo Marokashda mahalliy jamoaga qarshi o'yin o'tkazadi, yoki Keniyada «Liverpul» bilan kuch sinashadi.Shuningdek, mavsumoldi tayyorgarlikning so'nggi bosqichida «Barselona» an'anaviy Joan Gamper kubogini tashkil etadi. Ushbu musobaqa har yili klub tomonidan o'tkaziladi va ilk bor 1966 yilda «Barselona» prezidenti Enrike Lode tashabbusi bilan yo'lga qo'yilgan. Trofey klub asoschisi va afsonaviy prezident Joan Gamper sharafiga nomlangan.