«Manchester Siti» yarim himoyachisi Bernardu Silva «Barselona»ga o'tishi mumkin. Avvalroq xabar berilganidek, portugaliyalik futbolchi Kataloniya grandi safiga qo'shilish istagida yonib turibdi.

Manbaning ma'lumotlariga ko'ra, «ko'k-anorranglilar» «shaharliklar»ning amaldagi sardorini maydon markazida Pedrining o'rinbosari sifatida ko'rishmoqda. Shu tariqa, 31 yoshli xavbekning asosiy tarkibdan doimiy joy olishi amrimahol bo'lishi mumkin.

Joriy mavsumda Silva Xosep Gvardiola jamoasi safida barcha turnirlarda 47 ta o'yinda maydonga tushib, o'z hisobiga 3 ta gol va 5 ta golli uzatmani yozdirib qo'ydi. Eslatib o'tamiz, ushbu mavsum yakunida Bernardu erkin agentga aylanadi.