Himoyachi Jyul Kunde «Chelsi» qiziqishlari doirasiga tushib qoldi. Marca nashrining xabariga ko'ra, London klubi yozgi transfer oynasi oldidan frantsuz futbolchisini faol kuzatib bormoqda.

«Ko'k-anorranglilar» lagerida futbolchi jamoani tark etishi mumkinligi haqida belgilar paydo bo'lgan. Sababi, «Barselona» moliyaviy feyr-pley talablarini bajarish uchun qaysidir yulduzini katta mablag' evaziga sotishga majbur.

Jyul Kunde 2022 yilda «Sevilya»dan 50 million evro evaziga «Barselona»ga o'tgan edi. Uning kataloniyaliklar bilan amaldagi shartnomasi 2030 yilning 30 iyuniga qadar mo'ljallangan. Joriy mavsumda himoyachi «Barselona» safida barcha turnirlarda 45 ta o'yinda maydonga tushib, 3 ta gol urdi va 4 ta golli uzatmani amalga oshirdi.