Madridning «Real» klubi hujumchisi Vinisius Junior La Liganing navbatdagi turi doirasida «Barselona»ga qarshi kechadigan bahs oldidan o'z kutilmalari bilan o'rtoqlashdi. Yakshanba kuni Alvaro Arbeloa shogirdlari «Espanol»ni mag'lub etdi (2:0) va «ko'k-anorranglilar»ning «El-Klasiko»gacha muddatidan oldin chempionlikni qo'lga kiritishiga yo'l qo'ymadi.

Shunday bo'lsa-da, Kataloniya grandining yakuniy chempionligi muqarrar bo'lib ko'rinmoqda: mavsum tugashiga to'rt tur qolganda «Barsa» Madrid klubidan 11 ochko oldinda bormoqda. «Kamp Nou»dagi to'qnashuvda mehmonlarning g'alabasidan boshqa har qanday natija «Barselona»ni rasman chempionga aylantiradi.

«Bizda bir hafta vaqt bor — bugungidek o'yin ko'rsatish uchun eng yaxshi tarzda tayyorgarlik ko'rishimiz kerak. Biz bunday uchrashuvlarni yaxshi ko'ramiz. Umid qilamanki, bahsga ajoyib sport formasida etib boramiz va g'alaba qozona olamiz», — dedi Vinisius o'z intervyusida.

«Barselona» — «Real» uchrashuvi 10 may kuni bo'lib o'tadi. O'yin Toshkent vaqti bilan soat 00:00 da boshlanishi rejalashtirilgan.