«Chelsi» hujumchisi Joao Pedro «Barselona»ning qiziqishlar doirasiga tushib qoldi. «Speedline» nashrining ma'lumotlariga ko'ra, London klubi braziliyalik futbolchini shu yozda sotishni rejalashtirmayapti. «Ko'k-anorranglilar» esa hujumchini jamoani tark etadigan Robert Levandovskiga o'rinbosar sifatida ko'rayotgan edi.

«Chelsi»ning yangi bosh murabbiyi Xabi Alonso klub rahbariyatiga Joao Pedroni o'z loyihasining asosiy futbolchilaridan biri deb hisoblashini va uni sotish mumkin emasligini ma'lum qilgan.

Joriy mavsumda Joao Pedro «Chelsi» safida barcha turnirlarda 49 ta o'yin o'tkazib, 20 ta gol urdi va 9 ta golli uzatmani amalga oshirdi. Uning londonliklar bilan shartnomasi 2033 yilning 30 iyunigacha mo'ljallangan.