Ispaniya La Ligasining 37-turida «Barselona» o'z maydonida «Betis»ni qabul qildi va 3:1 hisobida g'alaba qozondi.

Ta'kidlab o'tish joizki, «ko'k-anorranglilar» tarkibida ikki golga braziliyalik hujumchi Rafinya Dias mualliflik qildi. U uchrashuvning 28 va 62-daqiqalarida raqib darvozasini ishg'ol etishga muvaffaq bo'ldi.

Joriy mavsumda 29 yoshli Rafinya barcha musobaqalarni inobatga olgan holda, allaqachon oltinchi bor dublni rasmiylashtirdi. Vingerning hisobida maydonga tushgan 33 ta uchrashuvida jami 21 ta gol va 8 ta golli uzatma mavjud.