"Barselona" bosh murabbiyi Xansi Flik jamoaning kelasi mavsumdagi rejalari va klubdagi muhit haqida gapirdi. Nemis mutaxassisi jamoa bilan yanada katta muvaffaqiyatlarga erishmoqchi ekanligini yashirmadi.

"Kelasi mavsumda ham bor kuchimizni beramiz. Maqsadimiz — yana sovrinlar yutish va ehtimol Chempionlar Ligasini qo'lga kiritish.

Men har kuni klub, futbolchilar, murabbiylar shtabi va muxlislarning ishtiyoqini his qilaman. Bu men uchun juda o'zgacha. Oldin ham faoliyatimda ajoyib lahzalarni boshdan kechirganman, ammo hozir yanada ko'proq g'alaba qozonishni xohlayman", — deydi Flik.