«Barselona» futbolchisi Lamin Yamal yangi munosabatlarni boshladi. Uni inflyuenser Ines Garsiya bilan birga ko'rishdi. Avvaliga juftlik Gretsiyadagi birgalikdagi dam olish vaqtida payqalgan bo'lsa, keyinchalik Yamal o'zidan uch yosh katta bo'lgan Inesni «Barselona»ning chempionlik bazmiga olib keldi.

Keyinroq Garsiya taxminan besh yil davomida uchrashib yurgan yigitini Yamal uchun tashlab ketgani haqidagi mish-mishlarni rad etdi. Noyabr oyida Lamin Yamal xonanda Niki Nikol bilan ajrashganini tasdiqlagan edi. O'shanda qizni yosh futbolchining oilasi qabul qilmagani haqida gap-so'zlar tarqalgandi.

Yaqin orada Yamal Ispaniya terma jamoasi tarkibida yo'l oladigan JCh-2026 turniriga tayyorgarlik ko'rishni boshlaydi.