«Selta» himoyachisi Oskar Mingesa shu yozda erkin agent sifatida jamoani tark etishga yaqin turibdi. Insayder Ekrem Konurning xabariga ko'ra, 27 yoshli futbolchiga «Barselona», «Yuventus» va «Aston Villa» klublari qiziqish bildirmoqda.

Oskar Mingesa — «Barselona» tarbiyalanuvchisi bo'lib, u 2022 yilda aynan kataloniyaliklar safidan «Selta»ga erkin agent sifatida o'tgan edi. Uning amaldagi shartnomasi 2026 yilning 30 iyuniga qadar mo'ljallangan.

2025/26 yilgi mavsumda Mingesa «Selta» libosida barcha turnirlarda 47 ta o'yinda ishtirok etdi. Ushbu bahslarda u bitta gol urdi va oltita golli uzatmani amalga oshirdi. Transfermarkt portali himoyachining narxini 18 million evroga baholamoqda.