BBC jurnalisti Saymon Stounning yozishicha, Entoni Gordonning «Barselona»ga o'tishi Markus Reshfordning klubda qolishiga to'sqinlik qilmaydi. Avvalroq «Nyukasl» vingeri «ko'k-anorranglilar» safiga o'tish uchun tibbiy ko'rikdan o'tayotgani xabar qilingandi.

Shunga qaramay, kataloniyaliklarda Reshfordni «Manchester Yunayted»dan 30 million evroga sotib olish imkoniyati saqlanib qolmoqda. «Barselona» Gordonni xarid qilishga ustuvorlik bergani hisoblanadi, chunki u ham chap qanotda, ham markazda o'ynay oladigan universal futbolchi, qolaversa, u Reshforddan uch yosh kichik va maoshi ham kamroq.

Markusning tovon pulini to'lash uchun oxirgi muddat — 15 iyun. «Barsa» kelishuv shartlarini qayta ko'rib chiqmoqchi bo'lgan, biroq «Yunayted» bunga rozi emas. Shu sababli, belgilangan muddatgacha kelishuvga erishilmasligi mumkin, ammo muzokaralar har qanday holatda ham davom etishi ehtimoli bor.

Stounning ta'kidlashicha, asosiy muddat — Angliya terma jamoasining Jahon chempionatidagi ishtiroki yakunlanganidan keyingi va Reshfordning mashg'ulotlarga qaytishi oralig'idagi uch haftalik davr hisoblanadi. Bu davr ichida biror bir kelishuvga kelish kerak, aks holda «MYu» bosh murabbiyi Maykl Kerrik rahbariyat jamoada ko'rishni istamaydigan futbolchini qaytarishga tayyormi yoki yo'q, degan savolga javob berishiga to'g'ri keladi.