Ayollar o'rtasidagi Chempionlar ligasining 1/4 final javob uchrashuvida «Barselona» va Madridning «Real» jamoalari bahs olib borishdi. Barselonadagi «Spotify Kamp Nou» stadionida o'tgan uchrashuv kataloniyaliklarning 6:0 hisobidagi zafari bilan tugadi.

O'yinda hisobni 8-daqiqada «Barselona» yarim himoyachisi Aleksiya Putelyas ochdi. 15-daqiqada hujumchi Karolina Grem Xansen «ko'k-anorranglilar»ning ustunligini oshirdi. 27-daqiqada Iren Paredes hisobni yirik ko'rinishga keltirgan bo'lsa, 34-daqiqada hujumchi Eva Payor to'rtinchi golni urdi. Ikkinchi bo'limning 55-daqiqasida Grem Xansen dublni rasmiylashtirdi, 74-daqiqada esa Esme Brugts yakuniy hisobni o'rnatdi — 6:0.

Birinchi uchrashuvda ham «Barselona» 6:2 hisobida g'alaba qozongan edi (umumiy hisob — 12:2). Shu tariqa, «Real» turnir bilan xayrlashdi, «Barselona» esa yarim final yo'llanmasini qo'lga kiritdi.