Kataloniyaning «Barselona» klubi hujumchi Xulian Alvares bo'yicha «Atletiko»ga ilk rasmiy taklifini yubordi. «Ko'k-anorranglilar» tomonidan taklif qilingan summa — 100 million evro. Kataloniyaliklar kelishuvga o'z futbolchilarini qo'shmaslikka qaror qilishdi. Bu haqda insayder Fabritsio Romano o'z ijtimoiy tarmoqlarida xabar bermoqda.

Qayd etilishicha, «Atletiko» ushbu taklifdan mamnun emas. Biroq Xulian Alvaresning o'zi allaqachon «matraschilar» rahbariyatidan uni «Barselona»ga qo'yib yuborishlarini so'ragan.

Alvares Madrid klubiga 2024 yilning yozida «Manchester Siti»dan o'tgan edi. Joriy mavsumda hujumchi barcha turnirlarda 49 ta o'yinda maydonga tushib, 20 ta gol urdi va 9 ta golli uzatmani amalga oshirdi.