Argentina terma jamoasi hujumchisi Lionel Messi milliy jamoa safidagi 117-golini kiritdi. Bu Islandiyaga qarshi o'rtoqlik uchrashuvida (3:0) sodir bo'ldi.Messi uchrashuvning 72-daqiqasida penaltini aniq amalga oshirib, hisobni 2:0 ko'rinishiga olib keldi. 38 yoshli argentinalik futbolchi uchun bu milliy jamoa safidagi 199-o'yinda urilgan 117-gol bo'ldi.Umuman olganda, Lionel Messi professional faoliyati davomida barcha turnirlarda 911 ta gol muallifi bo'ldi. U shulardan 672 tasini «Barselona», 32 tasini «PSJ», 90 tasini «Inter Mayami» va 117 tasini Argentina terma jamoasi safida kiritgan.Argentina terma jamoasi 2026 yilgi jahon chempionatida ishtirok etadi. Amaldagi jahon chempionlari J guruhida Jazoir, Avstriya va Iordaniya terma jamoalariga qarshi bahs olib boradi.O'rtoqlik uchrashuvi10 iyun 2026 yilArgentina — Islandiya — 3:0Gollar: Valentin Barko, 8 (1:0), Lionel Messi, 72-penalti (2:0), Tyago Almada, 87 (3:0).