«Barselona» futbolchisi Rafinya Dias klub darajasida Braziliya terma jamoasiga qaraganda ancha yorqinroq harakat qilishini inkor etmaydi. 24 yoshli vinger bir necha yildan beri dunyoning eng yaxshi futbolchilaridan biri hisoblansa-da, milliy jamoada hozircha superyulduz maqomini mustahkamlay olgani yo'q.

«Barselona»da o'zimni terma jamoadagiga qaraganda ancha yaxshi ko'rsata oldim. Men munofiq emasman. Endigi maqsadim — xuddi shu darajaga bu erda, Braziliyada ham erishish. Agar odamlar mendan terma jamoada ham xuddi «Barsa»dagidek o'ynashni talab qilishayotgan bo'lsa, buni maqtov sifatida qabul qilaman. Bu ularning menga ishonishini anglatadi», — deya Rafinyaning so'zlarini keltiradi Barca Universal.

14 iyun kuni braziliyaliklar Jahon chempionatidagi ishtiroklarini Marokashga qarshi o'yin bilan boshlashadi.