«Barselona»ni tark etganidan so'ng, hujumchi Robert Levandovski faoliyatini MLSda (AQSh oliy ligasi) davom ettirishi mumkin.

Taniqli jurnalist Fabritsio Romanoning ijtimoiy tarmoqlarda xabar berishicha, 37 yoshli futbolchi agenti Pini Zaxavi bilan birgalikda «Chikago Fayr» klubi bilan muzokaralar o'tkazish uchun AQShga yo'l olmoqda.

MLS klubi transfer ustida faol ishlamoqda va Levandovskiga ikki yoki uch yillik shartnoma taklif qilmoqda. E'tiborli jihati, Robert mehnat bitimining muddatini o'zi mustaqil ravishda tanlashi mumkin bo'ladi.

Levandovski «Barselona» tarkibida to'rt mavsumni o'tkazdi.