Kataloniyaning «Barselona» klubi va Ispaniya terma jamoasi markaziy himoyachisi Pau Kubarsi «ko'k-anorranglilar»ning sobiq futbolchisi Karles Puyoldan olgan maslahatlari haqida gapirib berdi.

«Biz gohida gaplashib turamiz, u menga juda ko'p yordam beradi. Puyol menga hech qachon taslim bo'lmasligimni va o'zligimcha qolishimni aytdi. U sovuqqonlikni saqlashni va doimiy ravishda o'z ustimda ishlab, rivojlanib borishni maslahat berdi», – deya himoyachining so'zlarini keltiradi Mundo Deportivo.

JCh-2026 guruh bosqichida Ispaniya terma jamoasi Urugvay, Saudiya Arabistoni va Kabo-Verde milliy terma jamoalari bilan to'qnash keladi. «Qizil furiya» Jahon chempionatidagi ilk uchrashuvini afrikaliklarga qarshi o'tkazadi.