Ispaniya terma jamoasi va Kataloniyaning «Barselona» klubi forvardi Ferran Torres Frantsiyaning «PSJ» klubiga o'tishi mumkinligi haqidagi mish-mishlarga qisqacha izoh berdi.

«PSJ»? Bu haqda hech narsa bilmayman. Mish-mishlarga e'tibor qaratmayman», — deya hujumchining so'zlarini keltiradi Sport.es.

Transfermarkt portali ispaniyalik futbolchining transfer bahosini 50 million evroga baholamoqda. Ferran va «ko'k-anorranglilar» o'rtasidagi amaldagi mehnat shartnomasi muddati keyingi yilning yozida yakuniga etadi.

Yakunlangan mavsumda Torres kataloniyaliklar safida 49 ta uchrashuvda maydonga tushib, o'z hisobiga 21 ta gol va 3 ta golli uzatmani yozdirib qo'ygan.