«Inter» klubi «Barselona» yarim himoyachisi Arturo Vidal bilan shaxsiy shartnoma borasida kelishuvga erishdi. Jurnalist Nikolo Skira tarqatgan xabarga ko'ra, tomonlar 2,5 yilga mo'ljallangan shartnoma imzolashadi. Bu vaqt davomida Vidal 16,5 million evro daromad oladi. Chililik futbolchi ushbu mavsum oxirigacha 4,5 million evro maosh olsa, 2020 yilning yozidan boshlab 6 million evro yillik maosh ola boshlaydi.Vidalning agenti «Barselona» rahbariyati bilan muzokara olib bormoqda. Kataloniyaliklar futbolchi uchun «Inter»dan 20 million evro talab qilayotgan bo'lishsa, milanliklar uni ijaraga olishni mo'ljallashmoqda. Bunday holatda "neradzurri" uchun Arturo 12 million evroga tushadi.32 yoshli futbolchi mazkur mavsumda La liga doirasida «Barsa» safida 14ta o'yinda maydonga tushib, 5ta gol urdi.