Ispaniyaning Marca gazetasi, "Barselona" rahbariyati kelajakda Jerar Pikeni himoya markazidagi o'rnini almashtirishi mumkin bo'lgan nomzodlar ro'yxatiga to'xtalib o'tdi.
"Chelsi"ning markaziy himoyachisi va Daniya terma jamoasi a'zosi Andreas Kristensen, shuningdek, serbiyalik Nikola Milenkovich ("Fiorentina") va Braziliyalik Diego Karlos ("Sevilya") Ispaniya chempionlari uchun transfer maqsadlari ro'yxatida bo'lib turishibdi.
2-fevral kuni Jerar Pike 33 yoshga to'ladi. 2008 yildan hozirgi kunga qadar Pike "Barselona" safida 519 ta o'yin o'tkazib, 47 ta gol urgan.
Ushbu mavsumda Jerar ispaniyaliklarning 17 o'yinida maydonga tushib, 1 ta golli uzatmani amalga oshirdi.
23 yoshli Kristensen ushbu mavsumda Angliya Premer-ligasida "Chelsi" tarkibida 8 ta o'yin o'tkazdi.
Kristensen 2013 yildan beri London klubiga tegishli, ammo 2015 yildan 2017 yilgacha u Myunxengladbaxning "Borussiya" klubida ijarada o'ynagan.
22 yoshli serbiyalik himoyachi Nikola Milenkovich Italiya chempionatining 2019/20 mavsumida "Fiorentina" safida 17 ta o'yinda maydonga tushib, 3 ta golli uzatmani amalga oshirdi.
Florensiyaliklar uni Belgrad Partizan klubidan 2017 yil yozida 5.1 million yevroga sotib olishgan edi.
O'tgan yozda 26 yoshli Braziliyalik Diego Karlos "Nant" klubidan 15 million evro evaziga "Sevilya"ga ko'chib o'tdi.
Uning hisobida Ispaniya La Ligasida 19 ta o'yin va 2 ta gol bor.
Kristensen va Milenkovichning narxi 30 million yevroga baholanmoqda. Transfermarkt portaliga ko'ra, Diego Karlosning qiymati 25 million yevroni tashkil qiladi.