Ha, klasiko boʼlmaydi, hamma tarqalsin!

Madrid jamoalari finalda oʼynaydi!

Аtletiko Barselonani YeChL musobaqasida ikki marta turnirdan chiqarib yuborgan va hamma bu safar oʼsha voqea sodir boʼlmaydi, degandi. Sababi, bu bitta oʼyindan iborat bosqich.

Yoʼq, Simeone ikki boʼlimni ikki oʼyin qilib olarkan va tanaffusdan soʼng jamoasini javob oʼyiniga tayyorlagandek tushirarkan.

Аslida Barsa yetmish besh daqiqa ustun oʼynagandi. Hisobni Koke ochganiga qaramay, Messi tenglashtirgan, sal oʼtib sobiq atletikochi Grizmann hisobni Kataloniya tomoniga olib oʼtgandi. Keyin yana ikki gol, VAR bekor qilgan gollar. Birida Messining qoʼli, ikkinchisida Pikening oyogʼi notoʼgʼri harakatda edi.

2:1 bilan oʼyin tugaydigandek ediyu, argentinalik mutaxassis Vitoloni oʼyinga tushirdi. Ispaniyalik yarim himoyachi hammasini oʼzgartirib yubordi. U penalьti ishlab Morataga gol ulashdi. Soʼng Аlьvaroning oʼzi Korreani posbon bilan birga bir vaziyatga chiqardi. Hisob Аtletiko tomoniga ogʼganda, oʼyin tugashiga sanoqli daqiqalar qolgandi -- 3:2.

 Valьverde Roma va Liverpulьdan soʼng Аtletikodan ham qaqshatqich zarba qabul qilyaptiki, yaqin orada uning isteʼfosini-da eshitib qolsak ajabmas.

12 yanvar kuni 23:00da Jiddadagi finalda Ispaniya chempionligini ham, kubogini ham yengmagan ikki Madrid klubi superkubok taqdirini hal qiladi. Mana shunaqa, kutilmagan format xirmonda paydo boʼlgan finalchilarning bayramiga sabab boʼlmoqda. 

 Xayrulla Xamidov.