Londonning “Chelsi” klubi tarkibidagi o'yinlari bilan mashhur bo'lgan Demba Ba o'tgan mavsumda “Oltin to'pni” Lionel Messi emas, balki vatandoshi Mane olishi kerakligi haqida fikr bildirdi.
«Zamonaviy futbolda statistikaga juda ko'p e'tibor qaratilmoqda.Sadio Manening ko'rsatgan o'yini futboldagi shaxsiy sovrin uchun etarli bo'ladi deb o'ylayman.
Mane 2019 yilda ko'plab sovrinlarga ega chiqdi. U Evropa Chempionlari Ligasini va UEFA Superkubogini yutdi. Sadio o'zining juda ko'plab gollari bilan ajoyib mavsumni o'tkazdi. Bundan tashqari, u ko'plab muhim uchrashuvlarning taqdirlarini hal qildi. Mane “Oltin to'p” uchun haqli ekanligiga shubha qilmayman.
O'yin borasida Messiga teng keladigan yo'q, lekin aynan 2019 yili Mane eng kuchlisi edi», — dedi Demba Ba.