Kataloniyaning «Barselona» klubi darvozaboni Mark-Andre ter Shtegen jarohatidan tiklanishi haqida gapirdi. Darvozabonning tizzasidan jarohat olgani avvalroq ma'lum bo'lgandi.

«Mening tiklanishim rejaga muvofiq davom etmoqda. Men ishonchli qo'llardaman. Ammo hozir shunday bosqich borki, hamma narsa juda uzoq vaqt talab qiladiganga o'xshaydi. Jamoadoshlarimni har kuni ko'raman. Men ular bilan ko'proq vaqt o'tkazishga va maslahat berishga harakat qilaman», - dedi nemis golkiperi.

Ter Shtegenning «blaugrana» bilan shartnomasi 2028 yilning o'rtalariga qadar amal qiladi. Uning bozor qiymati 20 million evroga baholanmoqda.