Futbol bo'yicha Ispaniya chempionatining 10-turdagi "Barselona" va "Real Madrid" o'rtasidagi uchrashuv Kataloniya poytaxtidagi norozilik namoyishlari tufayli qoldirildi. Bu haqida Ispaniya qirolligi futbol federatsiyasi matbuot xizmati xabar tarqatdi.

Ma'lumot uchun, "Barselona" va "Real" o'rtasidagi o'yin 26 oktyabr kuni bo'lib o'tishi kerak edi.

Xabarda yozilishicha, klublar 21 oktyabrga qadar o'yinning yangi sanasi haqida kelishib olishlari kerak. Agar klublar bu borada kelisha olishmasa, o'yinning yangi sanasi Ispaniya chempionati rahbariyati va RFEF tomonidan belgilanadi.