Ronaldu va Messi to‘purarlik borasida poygani davom ettirishmoqda!
"Yuventus" forvardi Krishtianu Ronaldu A Seriyaning 20-turidan o‘rin olgan "Parma" (2:1) ga qarshi bahsda dubl qayd etdi.
Ushbu gollardan so‘ng, 34 yoshli hujumchining Evropaning top-5 ligalarida kiritgan to‘plarining soni 432 taga etdi.
Portugaliyalikning dubli Lionel Messiga etib olishga zamin yaratdi.
Oradan 26 daqiqa o‘tib, parallel ravishda o‘ynayotgan "Barselona" va "Granada" (1:0) qarama-qarshiligida Messi o‘zining 433-golini urishga muvaffaq bo‘ldi va Ronalduni yana ortda qoldirdi.
Bu bilan, argentinalik forvard top-5 ligalarda to‘purarlik bo‘yicha etakchilik qilmoqda, Ronaldu esa ikkinchi o‘rinda ketmoqda!
Eslatib o‘tamiz, Ronaldu Italiyadan tashqari, Angliyaning "Manchester Yunayted" safida va Ispaniyaning "Real" klubida faoliyat olib borgan. Messi esa butun faoliyatini Kataloniya klubida o‘tkazgan.
Ma’lumot uchun, Ronaldu va Messidan keyin, uchinchi o‘rinni 366 ta gol bilan Angliya chempionatida o‘ynagan Jimmi Grivz egallab turipti.