"Barsa" va "Yuve" Markes va Pereyralarni almashish masalasini ko'rib chiqmoqdalar. Yuventus" bosh direktori muzokaralar davom etayotganini tasdiqladi. Ammo u biron bir ism aytmadi.
Manbalarning oldinroq xabarlariga ko'ra, "Barselona B" tarkibini kuchaytirmoqchi va "Yuventus" bilan almashuv bitimiga rozi bo'lishi mumkin.
RAC1 xodimi Jerar Romero xabariga ko'ra, "Yuventus" ning bosh direktori Fabio Paratichining o'zi xabarlarni tasdiqladi, ammo u ikki klub muhokama qilayotgan ismlarni oshkor qilmadi:"Biz "Barselona" bilan yosh futbolchilar borasida kelishib oldik".
Katta ehtimol bilan, "Barsa B" hujumchisi Alexandro Markes va "Yuve" hujumchisi Mateus Pereyra haqida gap ketmoqda.
Markes "Barselona" da 2019 yil iyulidan beri o'ynaydi. Uning shartnomasi 2020 yilda tugaydi. 19 yoshli futbolchi "Barca B" tarkibida 11 ta o'yinda qatnashgan, ammo bu mavsumda hali urgani yo’q.
Pereyra haqida gapiradigan bo'lsak, 21 yoshli hujumkor yarim himoyachi, markaziy hujumchi va vinger sifatida ham o'ynay oladi. U "Yuventus" ga 2017 yil yanvarida qo'shilgan. Braziliyalik ushbu mavsumda "Dijon" safida 10ta o'yinda maydonga tushgan, ammo hali gol urmagan. Hozirda u Dijonning "Liga 1" jamoasida ijarada. Braziliya U15 va Braziliya U17 terma jamoalarida o’ynagan.
Qizig'i shundaki, Kike Seten yaqinda Markesni birinchi guruh mashg'ulotlariga chaqirdi. Hujumchiga “Ibisa” konchilari bilan bo'lajak Kopa Del Rey o'yinida o'zini isbotlash uchun imkoniyat berilishi mumkin.