"Barselona" bosh murabbiyi Kike Setien Kamp Nouda bo'ladigan "Levante"ga qarshi bahs oldidan matbuot anjumanida ishtirok etdi.
Qishda jamoaga markaziy hujumchi xarid qilinmaganligi haqida ?
- Bizda La Masiya bor va agar kerak bo'lsa yosh futbolchilar asosiy jamoaga yordam berishga doim shay xolatda turibdi.
Fransisko Trinkao haqida ?
- Bu futbolchini sotib olish klubning tashabbusi bo'ldi. Endi biz Fransiskoni mavsum yakuniga qadar sinchkovlik bilan kuzatib boramiz. Nazarimda jamoa uchun yaxshi xarid bo'ldi.
"Levante" haqida ?
- "Levante" bizga zarar yetkaza oladigan jamoalardan biri hisoblanadi. Bu klubga qarshi bahs biz uchun oson kecgmasligini barchamiz tushunib turibmiz.
Arturo Vidal haqida ?
- Vidal bilan biz o'yin jarayonini yanada aniqroq nazorat qilishimiz mumkin bo'ladi. Vidal biroz ortga qaytgan vaqtda jamoaga qanchalik foyda keltira olishini juda ko'p bora isbotladi.
Usmon Dembele haqida ?
- Dembele ertangi bahsda ishtirok etmaydi bu aniq. Usmon bilan hali gaplashmadik.
- Ko'pchilik singari, uning o'yinida ham yaxshilanishi kerak bo'lgan daqiqalar mavjud. Shunga qaramay, Dembele va boshqa bir qator futbolchilar hali ham bolalar ekanligini esdan chiqarmaslik kerak.
- Ammo ular sodiqdirlar, men buni ko'rib turibman. Dembele qanday shiddat va qat'iyat bilan mashq qilayotganini ko'rib, ko'zlarimga yosh keladi. Men Usmondan judayam xursandman.
Samuel Umtiti vs Langle haqida ?
- Umtiti va Langle bilan biz ikkita yaxshi darajadagi bir pozitsiyada o'ynay oladigan futbolchilarga egamiz.
- Kerak bo'lsa ularning ikkisidan bir vaqtda foydalanishimizxam mumkin. Ularning mashg'ulotlar va maydonda ko'rsatayotgan o'yinlaridan juda mamnunman.
Chempionlar Ligasi haqida ?
- Bizda boshqa jamoalarda bo'lganligi singari ushbu nufuzli musobaqada g'olib bo'lish imkoniyati bor. Men olamdan o'tgach qabrtoshim ustida "Barselona" bilan Chempionlar Ligasini yutgan edi deya xotirlashlarini istayman.
Messi mavsum oxirida klubni tark etishi mumkinligi haqida ?
- Umid qilamanki, biz Messini shunchalik xursand qilamizki, u qolishni istaydi. Uning kelajakda "Barselonada" bo'lishiga shubha qilmayman.
- U bilan aloqamiz, boshqa futbolchilar singari, mutlaqo normaldir. U biz g'alaba qozonishga qodir ekanimizga aniq ishonadi.
- Messi g'olib, u hammasi yaxshi bo'lishini istaydi. U [klub bilan shartnoma borasida] muzokaralardan manfaatdor.
- Messi jamoaning muhim qismidir, u o'yinlar natijasini hal qilishi mumkin, ammo biz kuchayish uchun jamoaviy ishimizga ishonishimiz kerak- deya so'zlarini yakunladi Setien.