«Barselona» yarim himoyachisi Ivan Rakitich tan olib aytishicha, u Ernesto Valverde paytida jamoadan ketish haqida o'ylay boshlagan edi.«Yanvar oyida jamoada ketishni ko'zlagandim. Valverde shtabining menga nisbatan munosabati yaxshi emasdi. Bu yomon davr bo'ldi, ammo hozir barchasi ortda qoldi. Ochig'ini aytishim kerak, menga yoqmaydigan jihatlar bo'ldi», — dedi Rakitich "Marca" nashriga bergan intervyusida.Eslatib o'tamiz, Valverde 13 yanvar kuni «Barselona»dan iste'foga chiqarildi. Uning o'rniga Kike Seten tayinlandi.31 yoshli Rakitich 2014 yilning yozida «Sevilya»dan «Barselona»ga o'tgan edi. Shundan beri u kataloniyaliklar safida barcha musobaqalar doirasida 292ta o'yinda maydonga tushib, 34ta gol urdi va 40ta golga uzatma berdi.