Kataloniyaning «Barselona» klubi prezidenti Xosep Mariya Bartomeu Ispaniya Kubogi doirasida «Atletik» klubidan qabul qilib olingan mag'lubiyatdan keyingi fikrlarini bildirdi.

— Birinchi navbatda yarim finalga yo'l olgan raqiblarimizni tabriklamoqchiman. Uchrashuvga tashrif buyurgan muxlislarga o'z minnatdorchiligimni bildirmoqchiman. Futbolchilarimiz yaxshi o'yin namoyish etishdi va maydonda ustunlik qilishdi. Gol kiritish uchun ko'plab imkoniyatlarga ega bo'ldik. Bugun futbolchilarning ko'rsatgan o'yini EChLning muhim o'yinlari oldidan meni ilhomlantirdi. Ishonamanki, albatta muvaffaqiyatga erishamiz, — dedi Bartomeu El Mundo Deportivo nashriga.