Portugaliyalik agent Paulo Barboza "PSJ" hujumchisi Lionel Messining kelajagi haqidagi savolga javob berdi.

"O'ylashimcha, Messi katta ehtimol bilan “Barselona”ga o'tadi. Bu uning uchun eng yaxshi variant, eng mantiqiy narsa - "Barselona"da o'ynash va u erda faoliyatini yakunlash.

Men uning Saudiya Arabistoniga ketishiga ishonmayman", — deya Barbozaning so'zlarini keltirgan RIA Novosti.

Avvalroq, 35 yoshli argentinalik ushbu mavsum yakunlanganidan keyin «PSJ»ni tark etishi malum bo'lgandi.

Messi parijliklar safida 2021 yilning yozidan buyon o'ynamoqda. Bu vaqt ichida u barcha musobaqalarda 74 ta o'yin o'tkazib, 32 ta gol urdi va 35 ta golli uzatmani amalga oshirdi.