"Barselona" klubi "Real Sosedad" bilan hujumchi Villian Xosening transferi borasida muzokara olib bormoqda. Bu haqda "Marca" nashri xabar tarqatdi.Dembele va Suares jarohat olganidan keyin 28 yoshli braziliyalik futbolchi "ko'k-anorranglilar" uchun asosiy transfer maqsadiga aylandi. "Sosedad" o'z futbolchisi uchun 70 mln evro talab qilayotgan bo'lsa, "Barsa" narxni tushirishga harakat qilmoqda. Klublar transferni ushbu hafta oxiriga qadar amalga oshirishi kutilmoqda. Ma'lumot o'rnida, Villian 2014 yilda "Real" safida ijara asosida o'ynagan.Xose La liganing ushbu mavsumida 22ta o'yinida maydonga tushib, 8ta gol urdi.