"Leganes" hujumchisi Martin Breytueyt "Barselona"ga o'tdi. Bu haqda "ko'k-anorranglilar" rasmiy sayti xabar tarqatdi. "Barsa" daniyalik futbolchi bilan 2024 yilning yoziga qadar mo'ljallagan shartnomani imzoladi. Kataloniyaliklar 28 yoshli futbolchining transferi uchun 18 mln evro to'lab, unga 300 mln evro miqdorida tovon puli belgilashdi.Eslatib o'tamiz, Luis Suares va Usmon Dembele jarohat olib, uzoq vaqtga safdan chiqqani bois La liga rahbariyati "Barselona"ga transfer muddatidan tashqari bir futbolchini ro'yxatdan o'tkazish uchun 15 kun vaqt bergan edi.