Ispaniya chempionatining navbatdagi turi doirasida «Real» va «Barselona» klublari 1 mart kuni «Santyago Bernabeu»da to'qnash kelishadi. Madridliklarning yana bir futbolchisi «el-klasiko»da ishtirok etmaydigan bo'ldi. «Real Kastilya»ning bugun bo'lib o'tgan «Reyes»ga qarshi bahsida Rodrigo Goes ikkinchi "sariq" tufayli maydondan chetlatildi. Shu bois, 19 yoshli hujumchi «Real» safida «Barsa»ga qarshi o'yinni o'tkazib yuboradi. Avvalroq Eden Azar jarohat tufayli 2 oyga safdan chiqqani haqida xabar berib o'tgan edik. Shuningdek, Serxio Ramos "Levante"ga qarshi o'yindan so'ng hakamni tanqid qilgani uchun Tartib-intizom qo'mitasi uning so'zlarini o'rganib chiqmoqda hamda "Qirollik klubi" sardori diskvalifikatsiya qilinishi mumkin.