«Real» sardori Serxio Ramos «el-klasiko» arafasida «Barselona» hujumchisi Lionel Messi haqida o'z fikrini bildirib o'tdi. «Men uni juda hurmat qilaman. U futbol tarixidagi eng buyuk o'yinchilardan biri va men uni juda hurmat qilaman. Umid qilaman, yakshanba oqshomida uning kuni bo'lmaydi. Bu bizning o'z ishimizni yaxshi bajarishimizni anglatadi. Qo'shimchasiga ijobiy natijaga erishsak, yanada yaxshi bo'lardi.Professional hamkasb sifatida men unga eng yaxshi tilaklarni bildiraman, ammo bu holat bizga salbiy ta'sir ko'rsatmasa bo'lgani! Bu qiyin, ammo u hurmatga sazovor futbolchi. U eng yaxshi futbolchilardan biri», – dedi Ramos.