Mashhur fransuz gazetasi "L'Equipe"ning xabar berishicha, Ispaniya klubi Osman Dembelening davomli jarohat olaverishini tanqid qilishi toʻgʻri emasligini aytmoqda. 

Dembele fevral oyidan beri pay uzilishidan olgan jarohati sabab maydonga tusha olmayapti.

Fransiyalik futbolchining bunday muammolarining keti "Camp Nou"ga kelgandan beri uzilmayapti. 

Lekin "L`Equipe" nashri Osman professional sportchi kabi yashash uchun borini beryapti deb hisoblaydi  va uni jarohat muammolari bilan ayblamaslik kerakligini ta`kidlaydi.

Uning shaxsiy oshpazi Entoni Odebodning aytishicha, hujumchi maydondan tashqaridagi ishlarni to'g'ri bajaryapti: "U hech qanday oldindan tayyorlangan mahsulotlar va gazli ichimliklar iste'mol qilmayapti. Uning menyusida faqat tabiiy, yangi va foydali mahsulotlar mavjud. Osman futbolni yaxshi o'ynaydi va u shuni o'zi yetarli deb o'ylardi, biroq u borgan sari ulg'ayib boryapti va o'rganyapti".

Xabarda shuningdek, "Barselona"ning mashg'ulotlari Dembelening ehtiyojiga mos tushmasligini aytib o'tilgan, fransuzning sprint yugurish mashqi  mashg'ulotning 20%ini tashkil qilsa, o'yin paytida bu 90% ga ko'tarilib ketadi.

Darhaqiqat, mashhur futbol nashri aytishicha, "Barselona" mashgʻulotlarida tez yugurish mashqlari asosan Jerard Pike, Serxio Buskets va Lionel Messi bilan olib boriladi. Shuningdek, Frenki de Yong "Ayaks"dan kelib qoʻshilganidan beri shaxsiy murabbiy bilan shugʻullanadi.

Osman bilan "Renn" klubida birga ishlagan Mishel Tori fikrlari ham yuqoridagi fikrlarni tasdiqlaydi: "Osman bu holatlar uchun javobgar emas. U bebaho talantning qurboniga aylanib qolmoqda. Renn klubida biz unga mashgʻulotlarda va oʻyinlarda juda katta bosim oʻtkazardik va "oʻlguday" mashq qildirardik."

Eslatib oʻtamiz, fransiyalik futbolchi ushbu mavsum davomida "Barselona" tarkibida bor - yoʻgʻi 9 marta maydonga tushdi.