Kiki Setien juma kuni "Kamp Nou"da "Real Sosedad"ga qarshi kechadigan "La Liga" baxsi oldidan matbuot anjumanida ishtirok etdi.

Murabbiydan Ansu Fati, Eder Sarabia, Lionel Messi va shanba kungi raqiblar haqida bir necha savollar so'raldi.

Biz esa eng muhimlarini sizga ulashmoqdamiz:

Ansu Fati haqida: U taniqli o'yinchi va o'ylaymanki u doim shundoq bo'lib qoladi. To'g'ri, bizda o'yinni kuchaytira oladigan boshqa o'yinchilar ham bor, lekin Ansu biz uchun mehnatini ayamaydigan futbolchi va u juda zo'r va ajoyib bolakay.

Setien Artur haqida: U o'zini biroz bezovta his qildi va o'ylaymanki, davolanish o'zini yaxshi ta'sirini ko'rsatgan. Davolanish qanday ta'sir qilganini esa bigalikda ko'ramiz.

Messi haqida fikrlar: Menga uning gol urmayotgani muhim emas. Gol ursa, yana yaxshi. Bu holat Messidan boshqa hujumchi bilan ham sodir bo'lishi mumkin. Unda imkoniyatlar yetarli va muhimi, ana shu imkoniyatlarni golga aylantirish. U o'n to'rt yildan beri gol urib kelmoqda, agar hozir gol urolmay qolsa bundan fojia yasash shart emas.

Setien Sarabia haqida: Eder haqida bu masalada ortiqcha gapirishning hojati yo'q deb o'ylayman. U qilgan yagona xato - o'z fikrini to'g'ri ifoda etolmagani, holos.

Odamlar uning baqirishiga qarab tanqid qilishadi. Lekin, bu tabiiiy jarayon. Futbol maydonida futbolchilarni ogohlantirish yoki g'azablanishingizni ko'rsatish uchun baqirish odatiy hol. Ishlatilmasligi kerak bo'lgan gaplar uchun so'ralgan uzr qabul qilindi. Qolganini esa to'g'ri qabul qilishi kerak. 

"Barsa"ning kiyinish xonasida: Kiyinish xonasidagi jamoaviy kayfiyat yaxshi. Hech qanday muammo yo'q. O'zim bundanda qiyinroq bo'ladi deb o'ylagandim. Futbolchilar hamma narsani g'ayrioddiy tarzda qabul qilishadi.

Setien "Real Sosyedad" haqida: Ular hammasini o'z joyida bajaradigan jamoa shakllantirishgan. Bizni qiyin kechadigan o'yin kutib turibdi. Ular har qanday raqibga yetarlicha qiyinchilik tug'dira olishadi.