«Tottenhem»ning sobiq bosh murabbiyi Maurisio Pochetino «Inter» hujumchisi Lautaro Martinesning oʼyiniga yuqori baho berdi va uni dunyoning eng yaxshi forvardlaridan biri deb atadi.

«Lautaro Martines - dunyoning eng yaxshi hujumchilaridan biri. Gap shundaki, u nafaqat hozir ajoyib oʼyin koʼrsatmoqda, balki uning potentsiali kelajakda bundan-da yuqoriroq oʼyin koʼrsatishidan darak beradi. Аgar siz yetakchi klublarning yulduz hujumchilari roʼyxatini tuzsangiz, albatta, unda uning ismi boʼlishi kerak», – degan Pochettino "LA Plata" radiosidagi efirda.

«Inter» 2018 yilda argentinalik futbolchini 25 mln yevroga sotib olgandi. Hozir esa uning transfer narxi 111 mln yevroga baholanmoqda. 

Martines joriy mavsumda 31ta oʼyinda maydonga tushib, oʼz hisobiga 16ta gol va 14ta assist yozdirib qoʼydi.

Manbaa: tribuna.uz