Ushbu ruknimizdagi eng so'nggi yangiliklar bilan tanishtirishda davom etamiz.
“Everton” transfer oynasini portlatmoqchi
Angliyaning “Everton” klubi yozda “Napoli”ning ikki futbolchisini APLga olib kelishni rejalashtirmoqda. Jamoa “Napoli” klubi futbolchilari Kulibali va Allanlarning transferi borasida harakatlarni boshlab yuborgan.
“LGDS” nashri bergan xabarlarga qaraganda, bu transferlarni shaxsan Karlo Anchelottining o'zi amalga oshirishni istamoqda. Manba bergan xabarga qaraganda, “irislar” ikki futbolchi uchun 100 million evrodan voz kechishga tayyorligini rasman ma'lum qilgan.
Eslatib o'tamiz, Kulibali uchun kurash so'ngi kunlarda katta jadallik bilan avj olmoqda. Senegallik himoyachini qo'lga kiritishni PSJ va “Yuventus” klublari ham istamoqda.
“Tottenhem” “Real” futbolchisiga ko'z tikdi
Angliyaning “Tottenhem” jamoasi yozda Eder Militaoni o'z safiga qo'shib olishi mumkin. Bu haqida taniqli “SkySport” nashri ma'lum qilinmoqda.
22 yoshli brazliyalik futbolchini shaxsan Joze Mourino Londonga olib kelmoqchi. Futbolchining o'zi ham jamoasini o'zgartirishga qarshi emas. Sababi, u Madridda etarlicha o'yin amaliyotiga ega bo'lmayapti.
Manba bergan xabarlarga qaraganda, “Tottenhem” Militaoni Tobi Alderveyrelning o'rnini egallashi uchun harid qilmoqchi. “Real” o'z futbolchisini 40 milliondan kamiga sotmoqchi emas.
“Chelsi” Reysni nishonga oldi
“Vest Hem” jamoasi yarim himoyachisi Deklan Reys Londonning “Chelsi” klubi nishonida turibdi. 21 yoshli ingliz futbolchisi yozda “aristokratlar” safiga o'tishga yaqin turibdi.
Futbolchining “bolg'achilar” bilan tuzgan shartnomasi yana 4 yil davom etadi. Shu sababli, “Chelsi” Deklan uchun katta summa to'lashiga to'g'ri keladi. Bundan tashqari, yarim himoyachi “Manchester Yunayted” nishonida ham turibdi.
Transfermerket portali Deklanni 55 million evroga baholamoqda. Futbolchining o'zi ham yozda jamoasini o'zgartirishga qarshi emas.
Mario qaerga ketadi?
Germaniyaning “Borussiya Dortmund” jamoasi yarim himoyachisi Mario Gettseyozda erkin agent maqomini qo'lga kiritishidan xabaringiz bor. Taniqli “Bild” nashri bergan xabarlarga qaraganda, nemis futbolchisi uchun kurashga Italiyaning “Inter”, “Yuventus” va “Milan” jamoalari qiziqqib qolgan.
Hozircha futbolchining o'zi kelajagi borasida hali aniq qaror bir qabul qilgani yo'q. Shunday bo'lsada, unga turli grand klublardan takliflar tushishda davom etmoqda.
“Yuventus” yangi hujumchi izlamoqda
Turinning “Yuventus” klubi yozda yangi hujumchi sotib olishni rejalashtirmoqda. “Le Gazzeta Della Sport” nashri bergan xabarlarga qaraganda, klub nishonida “Manchester Siti” hujumchisi Gabriel Jezuz turbid.
Manba bergan xabarlarga qaraganda, katta ehtimol bilan mavsum so'nggida Ronaldu va Iguain jamoani tark etishi kutilmqoda. Shu sababli, klub Jezuzni “zebra”larning yangi etakchisiga aylantirmoqchi.7
Ushbu transfer amalga oshishiga omillar mavjud. “Shaxarliklar” tez orada Erling Holand transferi uchun harakatlarni boshlab yuboradi. O'zi shundoq ham Agueroning soyasida qolib ketayotgan hujumchi uchun 3-forvord bo'lish hush kelmasligi aniq.