Myunxenning "Bavariya" klubi "Barselona" klubining asosiy darvozaboni Ander ter Shtegenni qo'lga kiritishdan umidini uzmayapti.

27 yoshli germaniyalik darvozabon "Barselona" bilan yangi shartnoma borasidagi muzokaralarni to'xtatib qo'ydi va bu vaziyatdan «Bavariya» klubi foydalanib qolmoqchi.

Diario Sport portalining tarqatgan ma'lumotiga qaraganda, «Bavariya» «Barselona»ga ter Shtegen uchun 80 million funt taklif qilishga tayyor.

Shu tariqa, agar ushbu bitim amalga oshadigan bo'lsa, u holda ter Shtegen dunyoning eng qimmat darvozaboniga aylanadi.

Hozirgi kunda "Chelsi" klubi darvozaboni Kepa ushbu ro'yxatni boshqarib turibdi. Uning transferi uchun «Chelsi» 72 million funtni «Atletik» klubi hisob raqamiga o'tkazib bergandi.