"Barselona" hujumchisi Lionel Messi o'zining instagramdagi sahifasi orqali jamoa o'yinchilarining maoshi kamaytirilgani haqida ma'lumot tarqatdi."Hozirgi vaziyat chegaradan chiqib ketayotganini anglagan holda biz o'z maoshlarimizning kamaytirilishini istadik. Eng avvalo futbolchilar klubga yordam qo'lini cho'zishi kerak. Biz bunday pallada o'z tashabbusimiz bilan bu ishni ko'p marta qilganmiz.Shu bois, klubning ichida bizni zarba ostiga qo'yishga uringan va bosim qilmoqchi bo'lganlar borligi hayron qoldirmoqda. Klub va o'yinchilar o'rtasidagi kelishuv bir necha kunga ortga surildi. Chunki, biz klubga va uning xodimlariga yordam berish uchun qulay imkoniyatni qidirayotgan edik. Endi esa e'lon qiladigan vaqt keldi. Biz inqiroz paytida maoshlarimizning 70 foizga kamaytirilishiga rozi bo'ldik. Bundan tashqari, klub xodimlari o'z maoshlarini to'liq olishi uchun o'z yonimizdan pul ham beramiz», – deya bayonot tarqatdi Messi.Messining bayonoti oradan bir necha daqiqa o'tib «Barselona»ning bir nechta o'yinchilari (masalan, Luis Suares va Antuan Grizmann) sahifalarida ham paydo bo'ldi.