Hujumchi Neymar 2017 yilda «PSJ» klubiga o‘tganidan so‘ng, jamoasi o‘yinlarining yarmisida maydonga tushmadi.
ESPN xabariga ko‘ra, 27 yoshli futbolchi 126ta o‘yindan 63tasida maydonga tushgan xolos.
Neymar asosan jarohatlar tufayli bahslarda ishtirok etolmagan. Bundan tashqari, bir necha marta diskvalifikatsiya qilingan.
Qayd qilish joizki, bu mavsum boshidan 3 oy o‘tgan bo‘lsa-da, braziliyalik to‘purar atigi 5ta o‘yinda ishtirok etdi xolos. Ayni paytda u jarohatini davolash bilan mashg‘ul.