«Barselona» klubi sobiq futbolchisi Andres Inesta "ko'k-anorranglilar" yarim himoyachisi Frenki de Yong va hujumchi Antuan Grizmann haqida o'z fikrini bildirib o'tdi.– Go'yoki vaziyat shunga qarab boryaptiki, Rakitich «Barselona»ni tark etadi, de Yong esa hali jamoa o'yiniga hali to'la moslashib ketmagandek. Maydon markazida kim o'ynashi kerak?– Bilmadim. Taqqoslashni yomon ko'raman. Ularni taqqoslash qiyin. Men hamisha aytganman, barchasi muxlislar istaganidek bo'lmaydi. Ammo yomon ham bo'lib ketishi kerak emas. Ular juda yaxshi o'yinchi, «Barsa» esa o'z o'yin uslubidan kelib chiqib futbolchi tanlashi kerak. De Yong jamoaga endi keldi. Jamoaga moslashish uchun unga vaqt kerak.– Nima uchun Grizmann «Barselona»dagi ishlari yurishib ketmayapti?– Bu ham de Yong bilan bog'liq vaziyat kabi. Qolgan yangi o'yinchilar kabi Grizmannga ham vaqt kerak. U juda iqtidorli. U albatta muvaffaqiyatga erishadi va jamoada o'z o'rnini topadi.