Darvozabon Mark-Andre ter Shtegen «Barselona» bilan yangi shartnoma borasidagi muzokaralar to'xtatilganini ma'lum qildi.«Dastlabki muzokaralarni o'tkazdik, lekin men barchasini o'ylab ko'rishim kerakligini aytdim. Ko'p muhim narsalar bor. Biz ushbu masalani keyinroqqa qoldirdik. Hozirda muzokaralar o'tkazilmayapti», – dedi ter Shtegen instagramdagi jonli efir orqali.Germaniyalik posbonning «Barselona» bilan shartnomasi 2022 yilning yoziga qadar tuzilgan. Avvalroq Ter Shtegen yangi shartnoma orqali 18 million evro yillik maosh talab qilayotgani, "ko'k-anorranglilar" esa bu talabni qondirishga qodir emasligi haqida xabarlar tarqatilgan edi.