“Real” darvozaboni Tibo Kurtua La Ligadagi mavsumning taqdiri bilan bog‘liq ehtimoliy voqealar haqida o‘z fikrlari bilan o‘rtoqlashdi.

“Barselona” bilan oramizdagi farq atigi 2 ochko. Biz ham chempion bo‘lishimiz mumkin. Agar mavsum davom ettirilmasa, sharmandalik bo‘lishi mumkin.

“Barselona”ga oltin medallarni berish haqida qaror qabul qilinsa, adolatdan bo‘lmaydi. Biz ular bilan 1 marta durang o‘ynadik va 1 marta g‘alaba qozondik. Biz kuchli ekanimizni isbotladik», — deb belgiyalik posbon so‘zlarini keltirmoqda Marca.

Eslatib o‘tamiz, Ispaniya chempionati koronavirus pandemiyasi tufayli 10 martdan beri o‘tkazilmayapti. Klublar 27ta tur o‘yinlarida ishtirok etishgan. Jadvalda 58 ochko to‘plagan “Barselona” peshqadamlik qilyapti. Undan 2 ochko ortda borayotgan “Real” ikkinchi bo‘lib turibdi.

Avvalroq, La Liga mavsumning qoldirilgan o‘yinlarini iyun—iyul oylarida o‘tkazib olishni rejalashtirayotgani haqida xabarlar tarqalgan edi.

Manbaa: tribuna.uz