Kataloniyaning "Barselona" klubi yarim himoyachisi Arturo Vidal Italiyaning "Inter" klubiga o'tishga tayyor ekanligi haqida El Mundo Deportivo xabar tarqatdi.

Manbaning yozishicha, 32 yoshli futbolchining agenti chililik yarim himoyachi yaqin vaqtlar ichida "Barselona" klubini tark etishini tasdiqladi.

Futbolchi uchun asosiy nomzod "Inter" klubi bo'lib turibdi. Garchi, Italiyalik hali rasmiy so'rovnoma bilan "Barselona" klubiga aloqaga chiqishmagan bo'lsada, Vidal katta ehtimol bilan "Inter" safiga borib qo'shilishi kutilmoqda.

Vidalning transfer narxi 11 million evroni tashkil qilmoqda.